كانت المرة الاولى التى تطأ قدمها على ارض مدرستها.. دخلت الفتاه برفقة والديها الى مكتب الاستعلامات حتى تلتحق بالمدرسة .. و منذ اللحظة الاولى احست الفتاه بالراحة مدرسة جميلة و نظيفة و كبيرة .. ثم بعد ذلك المقابلة التى تمت مع المسئول كانت اكثر من رائعة هكذا التحقت بمدرستى العزيزة ..... =))
مدرستى نظيفة... جميلة .... و مش فاكرة الكلمة الاخيرة :)
ايام المدرسة !! هل كانت بالنسبالنا جميلة هل كنا مستمتعين !!! ليه !
بالنسبالى اجمل ايام على مستوى الدراسى قبل الكلية كانت ايام ثانوية عامة !! اكتر سنين حسيت فيهم معنى المدرسة الحقيقى
كنت دايما اسمع الكبار لما يقولوا .. هى مدارس دلوقتى دى مدارس .. و لا التعليم زى تعليم زمان .. ده مدرسين زمان كانوا بيعلموا بقلب و مكانش فى دروس و لا تعب !!!! عرفت معنى الكلام ده فعلا و استشعرته و حسيته فى المدرسة
حبى للمدرسة زاد لما دخلت تانية و تالتة ثانوي ... دراسة و لعب و استفادة من المواد و نصائح... جميل اننا نلاقى حد يسمعنا و يفيدنا و يخاف على مصلحتنا .....
جميل لما نتعرف على اصدقاء يشدوا بعض على ينجحوا كلهم و يكون فى تنافس جميل بينا .... و لما كلنا ننجح نفرح لبعض بجد ... كل واحد يتكلم عن احلامه و نتبادل افكارنا .
احلى ايام لما كان يدخل علينا المشرف فى التقييم و يقعد يسال كل طالبة و فى الاخر يكرم اليجاوب =))
و لا امتحانات التجربة و لا لما كنا نروح الصبح بدرى علشان نلحق المجموعة
... و قبل امتحان اخرالسنة لازم المدرس يجى قبل الامتحان و يقعد يراجع معانا
بجد مش ناسية الايام دى .. و التكريم السنوى و المسابقات
كنت اه بصحى الصبح من 6 علشان الحق اتوبيس المدرسة و ارجع البيت 3 العصر .. كانت ايام متعبة جدا .. بس حقيقى كنت سعيدة جدا الايام دى =))
امنيتى الوحيدة دلوقتى انى اروح المدرسة تانى و اشوفها =)) و اشوف اساتذتى تانى
1 posts:
Omnya Alaa El-din said...
I like :)))