فى البداية الموضوع ليس بجديد
فكرة انشاء مجلة علمية مواضيعها تحمل الكثير العلوم والافكار المتعددة التى تثير القارئ فى مختلف الاتجاهات وتشجعه على ابتكار افكار جديدة
و ايضا قناتها التى تحمل نفس الاسم National Geographic اعجبنى كثيرا مجلة
بما فيها من تنوع فى المواضيع العلمية و التاريخية و الجغرافية و اخر ما توصل اليه العلم
وافكار العلماء و الاختراعات و الابتكارات و كيف انها استطاعت توصيل المعلومات بطريقة شيقة و ملفتة عن طريق الكلمات او حتى ما فى المجلة و القناة من اشكال تجذب الانتباه
يتغير العالم من حولنا سريعا و رغم ذلك نجد البعض لا يعرف حتى ما يدور فى بلده ..و نستعجب من ان بلادنا ليست فى تقدم
اذا فُرض انه اُجرى امتحان فى اسامى العلماء العرب فى اى علم من العلوم نجد ان قلة قليلة هى التى ستعرف اما الباقى فهم فى سبات عميق
درسنا العديد من المواد و التجارب و الحسابات اذا سُئل احد منا الان فالكثير لن يتذكر و اذا تذكر سيكون بعد فترة طويلة
ما جذبنى لكتابة مثل هذا الموضوع هو اهتمامات الشباب فى الفترة الاخيرة .. و رغم انه من الممتع معرفة الجديد فى جميع جوانب العلم ليس فقط الرياضيات و الفيزياء و الكيمياء و لكن علوم البيئة و التاريخ و الجغرافيا و علم النفس و الكثير
الا انه لا يكاد يُنظر لمثل هذه الموضوعات بالاهمية الكافية لكى يتحقق التقدم المنشود
فقبل ان ننادى بالتقدم علينا ان ندرس اساليبه و جوانبه و ما نحن بارعين فيه لنزيده و ما نحن مقصرين فيه فنعالجه
من و جهة نظرى لكى يتم هذا سريعا يجب تاييد مثل هذه النوعية من القنوات و المجلات و تشجيع ثقافة القراءة بكافة اشكالها و المعرفة فى جميع المجالات .. و تعلم كيفية الاستفادة الحقة من جميع ما يتم قراءته
و عدم النظر الى الامور الهامشية و السطحية التى تشتت الانتباه
6 posts:
Rana said...
3ndek 72 ya Aya bgad bs ya ret el kra2a tkon hya bs ele n2sa da lw 3leha kan teb2a baseta bs ahe wasela bardo lltkdom wel t3'yer :D
w bgad msA eslobek b2a gamel gedan ya Aya :)
Keep on ya fandem :)
Aya Magdy said...
هوا انا مش بتكلم ان القراءة بس هى السبيل للتقدم
بس هى العامل الاساسى لاى امة تريد التقدم
مش من المعقول ان امة تنهض و ابناءها فى غفلة عن كل شئ
فزى ما فى قنوات بتنشر الاغانى و الافلام....
فى قنوات بتنشر العلم..بس الاهتمام بيها قليل جدا للاسف
Nessma Ossam said...
أولاً جزاكى الله خيراً يا آية على الموضوع دة حلوة طريقة الكتابة ماشاء الله
ثانياً طبعاً القراءة جزء مهم جداا فى بناء أى شخصية علشان كدة أغلب الشباب دلوقتى بقوا معدومين الشخصيةوتافهين وتفكيرهم محدود
عارفة المشكلة مش فى إن الناس تعمل مجلات علمية و كدة المشكلة إن الناس تقرأ وتهتم بالقراية
وأنا شايفة برضوا إن عامل حب القراة دة يعتمد بشكل كبير على الأهل يعنى أنا ماما وبابا كانوا دايماً بيجيبولى كتب ويضغطوا عليا علشان أقرأ من أولى إعداى .. وبجد لولا ربنا ثم هما مكنتش حبيت القراية
علشان كدة لازم الأهل نفسهم اللى يزرعوا حب القراية فى أولادهم علشان بعد كدة يطلع شباب واعى بيحب القراءة والإطلاع ومعرفة كل ماهو جديد
موضوع جميييل
(Y) (Y)
Rokaya said...
حلو قوى الموضوع يا اية وفعلا مهم اننا نتناقش فيه...
انا اتفق مع نسمة ان الاهل ليهم دور فى ان ولادهم يقرأوا ومهم ان يكون فى مجلات علمية مفيدة وشيقة بس الاهم ان الناس تكون مهتمة انها تقرأ الحاجات دى لأن فى ناس بتقرأ بس بتقرأ حاجات تافهه او ليست ذات قيمة وفى ناس متعرفش اصلا ان فى مجلات علمية جيدة وغالبا السبب ان مفيش اعلان كبير عنها لعدم اهتمام الناس بمثل هذه المجلات للاسف...
الموضوع له اكثر من جانب يعنى الاهل والمدرسة والمجتمع كل منهم له دور فى تثقيف الشباب والشباب نفسه له دور فى تثقيف نفسه
لازم كل واحد من دول يؤدى دوره عشان نتقدم بجد...
Anonymous said...
"درسنا العديد من المواد و التجارب و الحسابات اذا سُئل احد منا الان فالكثير لن يتذكر و اذا تذكر سيكون بعد فترة طويلة"
ما السبب يا ترى؟
Aya Magdy said...
السلام عليكم
@ Nessma & Rooka
انا معاكم ان فى جزء على الاهل بس الجزء الاكبر على التعليم
وازاى ان ممكن الطالب اما انه يحب المدرسة و فى مدارسنا مستحيل . او انه يكررها و ده العادى . فين مكتبة المدرسة ال بتكلموا عنها دايما .
و بعدين معظم الاخبار فى الجرائد او المجلات اما عن الفن او السياسة او اى شئ بعيد عن اثراء الثقافة لدى الفرد
@ Anonymous
رايي كيفية تدريس المواد .. مش كلامى فعلا
ده كان راى العالم الدكتور احمد زويل فى ندوته بدار الاوبرا المصرية
وان اسلوب التعليم فى مصر فى حالة غير سليمة
و الدليل : لما اتعمل قبل كده حاجة زى امتحان صغير فى المعلومات العامة فى كلية من الكليات
الطلاب ماعرفوش يجاوبوا و تعثروا فى جميع اجابات الاسئلة